2E26-096 bail dupas/Gabet

Comparurent personnellemnt[1] vénérable homme monsr Mtre Félix Dupas ptre[2] et pasteur propriétaire de Niergny et chappellain de la chappelle Nostre Dame fondé en l'église parochialle de Clary d'une part, et Nicolas Gabet et Mary Leduc sa femme demt[3] aud^t Clary d'aultre part, et recognulrent de leurs bon grée sçavoir led^t Sr premier comparant avoir octroiez et acordé à tiltre de louaige ausd^ts seconde comparans quy prosmirent tenir aud^t tiltre de louaige toutte un certain jardin lieu pourpris et hérittaige situé aud^t Clary contenant trois mencauldée ou environ ~~tenant~~ avecq une maison chambre grangette et estable y érigé tenant an chemin de Clary allant à Busegny d'aultre ten^t[4] à trois mencauldée de terres lables[5] de la cure dud^t lieu à la ruelle du Roy du mesme jardin[6] et à un aultre jardin dud^t Sr bailleur ainsy que led^t jardin se comporte et extend sans aultremnt[7] estre obligé de livrer à la corde ny messure, et c'est pour le terme temps et espace de noeufs ans routtiers, à comencher à entrer en jouissance du pnt[8] bail doist le jour de S^t Rémy dernier parmy et moyennant que lesd^ts preneurs ont promis et se sont obligés, promettent et s'obligent insolidemnt l'un pour l'aultre et un d'eulx seul pour le tout sans divission ny aulcun ordre de discuon[9] d'en rendre et payer aud^t Sr bailleur ses successeurs et ayans causes par chacun an la somme de douze florins monnoy de Flandre dont la première année en sera deubt et eschera à payer au jour de S^t Rémy du pnt an 1686 et ainsy continuer à payer d'an en an jusques au fin dud^t bail

Plus seront tenus lesd^ts preneurs de descharger et acquitter led^t jardin de touttes tailles mis sur et à mettre durant lesd^ts noeufs ans sans pouvoir prétendre aulcune modérage sur le rendaige principal, en oultre seront encoire tenus de laisser et livrer voy pour aller et venir au puis[10] quy est aud^t jardin à Guillaume Leduc, ses ayans causes à raison d'un aultre jardin y joindans appartenant aud^t Sr bailleur,

Sy seront aussy tenus de relever les hurets et entretenir les hayes d'icelluy jardin à leur coppe ordinaire sans pouvoir coupper ny abattre aulcun arbre tant vifs que mort (#) mais bien led^t Sr bailleur ~~au regard~~ quy en poura faire abattre parmy par icelluy en faire replanter des aultres en la plache, et ne poldront lesd^ts preneurs transporter leur droict de ferme ny partie en aultruy mains sans la permission et consentemnt[11] dud^t Sr bailleur à paine de privaon[12] dud^t bail

Toutte lequel bail à ferme et choses susd^tes lesd^tes parties respectivemnt ont promis tenir, entretenir, laisser jouir, payer, furnir et accomplir de point en point sans y contrevenir par les fois et serment de leurs personnes et led^t Sr pasteur in verbo sacerdotis manus tecto pectore, soub l'obligaon de tous et chacun leurs biens pnts et avenir sur XXX pat[13] de paine à donner etc... renonchans etc... et quand à laditte femme après luy avoir donné à entendre icelle a renonché au droict de veillean et à l'autenticq sy qua mullier. Ce fut ainsy faict et passé aud^t Clary pdevant[14] le nott[15] soubsigné et en pnce de Michel Boursiez et Paul Lempreur habitans dud^t lieu tesm[16] à ce envocqués le cincquiesme jour d'apvril an mil six cent quattre vingt six. Tesm

Félix Dupas, DGIC 1686
+ marcq Nicolas Gabet
+ marcq Mary Leduc
Boursiez, 1686, greffier, nott

Mentions marginales
- Grossoyé le 17 juillet 1775
- (#) à paine de privaon dud^t bail, aprobo, 1686, nott.

Ecrit au dos
Bail d'un jardin faict par Mtre Félix Dupas à Nicolas Gabet et sa femme, 1686

[1] Pour « personnellement ».
[2] Pour « prêtre ».
[3] Pour « demeurant ».
[4] Pour « tenant ».
[5] Pour « labourables ».
[6] Ces trois derniers mots sont interlignés. (M. M.)
[7] Pour « autrement ».
[8] Pour « présent ».
[9] Pour « discussion ».
[10] Puits.
[11] Pour « consentement ».
[12] Pour « privation ».
[13] Pour « patards ».
[14] Pour « pardevant ».
[15] Pour « notaire ».
[16] Pour « témoins ».