096 bail Lemoinet/Flament

Comparurent en leurs personnes Messire Michel Anthoine Lesmoinetz, seigneur de Ranfreville demourant à Clary d'une part, Phles[1] Flament laboureur demourant à Ligny d'aultre part, recognulrent de leurs bonne vollonté sçavoir led^t seigneur premier comparant d'avoir cejourdhuy bailliez et acordé à tiltre de ferme censse et muaige aud^t Flament seconde comparant lequel at emprin et promis tenir aud^t tiltre pour luy sa femme et ayans causes le nombre et cantitté de cincqs mencaudées de terres lables[2] au terroir dud^t Clary tenant à deux mencaudé Aman Flament d'aultre sens aulx terres Jean Lefebure et à onze mencaudées du guébinaige[3] de Cambray occuppé par Jaspard Méreau, ainsy que lesd^tes cincqs mencaudées de terres se comportent et extendent sans aulcune réserva^on, et cest pour le temps, terme et espace de noeufs ans continuels et ensuivants l'un l'aultre pour y reprendre trois bleds et trois mars à comencher à entrer en bail après l'aoust de l'an 1692 pour faire la première despouille à bled à l'aoust de l'an 1694 et payer le rendaige au jour de S^t André ensuivant, parmy et moyennant que led^t preneur a promis et sera tenus en rendre payer et satisfaire aud^t seigneur de Ranfreville et ayans causes quand lesd^tes terres porteront ou debvront porter bled, trois mencaud de bled sain et secq bien appointé de van et flael (#) livré en la ville de Cambray au pied de ses greniers et à la messure du Chasteau Cambrésis, dont le premier rendaige portant quinze mencaud eschera au jour de S^t André dud^t an 1694 pour ainsy continuer payer de despouille en despouille jusque à l'accomplissem^nt desd^ts noeufs ans, sy sera tenus led^t preneur de bien et deubment labourer et cultiver lesd^tes terres de touttes roy et saison, les assemencher de bonne semenches, sans les refroisser ny laisser en riez, comme ausy les fumer et marler une fois plainement durant led^t terme, plus sera encoire tenus led^t preneur de descharger lesd^tes terres de touttes tailles, imposi^on mis sus et à mettre durant lesd^ts noeufs ans sans diminuon du rendaige principal, et pardessus de bailler et livrer audt seigneur bailleur deux coulpes de poulles par chacun an durant led^t terme et ne poldra icelluy preneur transporter son droict de ferme ny partie en aultruy main sans le consentement exprès dud^t S^r bailleur, à paine de priva^on du pnt[4] bail

Toutte lequel bail à ferme et choses susd^tes lesd^tes parties respectivem^nt ont promis tenir, entretenir, furnir et acomplir de poinct en poinct sans y contrevenir par les fois et serment de leurs personnes soubz l'obliga^on de tous et chacun leurs biens pnts et future sur LX sols de paine à donner etc... renonchant etc... Faict et passé aud^t Clary pdevant[5] le nottaire soubsigné et en pnce de Jean-Baptiste Bonneville et Noel Pruvost habitans dud^t lieu tesm[6] à ce évocqué le jour mois et an que dessus tesm

Michel Antoine Lemoinet
Flippe Flament
+ marcq Noel Pruvost
+ marcq Jean Bonneville
Boursiez, 1691, greffier, notte

Mention marginale
(#) telle qu'il despouillera sur lesdtes terres. Approbo, 1691, paraphe du notaire, nott

Ecrit au dos
Bail de cincq mcd de terres faict par Monsr de Ranfreville à Phles Flament pour noeufs ans, 1691

[1] Pour « Philippe ».
[2] Pour « labourables ».
[3] Pour « béguinage ».
[4] Pour « présent ».
[5] Pour « pardevant ».
[6] pour « témoins ».