2E26-096 Partage Casiez/Leroy

Comparurent en leurs personnes Anthoine Casiez en qualité et come mary et bail de Margueritte Leroy sa feme demt[1] à Maret et Jaspard Leroy fils à marier d’aige de vingt et un ans et demy demt à Clary, lesquels de leurs bon gré pure franche et libéralle volonté sans aulcune constraincte, induction ny séduction disrent et recognulrent et déclarèrent que pour esvitter à touttes difigulté et inimitiez que poldroit sourdre et arriver entre eulx eulx touchant les parties de terres cy après déclaré à eulx délaissé par la mort succession et trespas de feu Jaspard Leroy et de Jenne Bacquincourt sa feme en leur vivant demt Clary père et mère d’iceulx du soubnoms Leroy, ils en ont cejourd’huy faict le partaige et divission affin que l’un et chacun d’eulx puissent plus comodément jouyr de sa par indyvy ainsy et come s’ensuilt

Pour la part dud^t Anthoine Casiez en sa qualité susd^te est tombé et escheult à trois boistellées prinse en une rasière de terres lables[2] dans laquelle icelluy Jaspard Leroy avoit six pinttes dont il le baille ceddé et transporte aud^t Casiez qui faict partant qu’il at lesd^tes trois boist[3] à prendre come dit est en laditte rasière tenant à pareil rasière Jean Montay d’aultre à une mencaudée Anthoine Delebel et à une mencaudée Jean Anselme

Item que led^t Jaspard at encoire ceddé, bailliez et eschangé aud^t Anthoine Casiez touttes la sixiesme partie d’une mencaudée appelé la mencd[4] à Baudet tenant à demy mencaudée Jean Millot à un fief Jean Poullain et aulx terres Baltazar Montay et Jean Le Bet en contréchange led^t Anthoine Casiez a bailliez ceddé quitté aud^t Jaspard Leroy les parties de terres cy après sicomme une boistellée et demy pintte advesties de bled verd pntem^nt[5] à prendre et partir en une mencd et deux pintes où icelluy Jaspard en at encoire semblable portion tenant d’une lisière à une mencaudée Jean Lefébure d’aultre à noeuf boistellées des pauvres dud^t Clary et au chemin menant dud^t lieu à Buzegny, Item cincq pinttes de terres aussy lables prinse en cincq boistellées vers Lenbucq tenant lesd^tescincq boistellées de terresdes hoirs Anthoine Boursiez d’aultre de deux sens aulx terres des hérittiers Monsieur de Ranfreville et aud^t chemin allant à Buzegny, à la charge de par led^t Jaspard Leroy rendre, baillier et satisfaire aud^t Anthoine Casiez pour mieulx vail que sa part la somme de noeufs patacons et quattre patt à luy délibvrer tout promptem^nt

Toutte lequel partaige et choses dessus dittes lesd^ts comparans ont promis tenir entretenir, faire valloir, conduire et garandir l’un l’aultre sans y contrevenir par les fois et serment de leures personnes soub l’obliga^on[6] de leurs biens pnt et futur et sur XXX pat de paine à donner etc... renonchans etc... Faict et passé aud^t Clary pardevant le nott[7] soubsigné et en pnce de Jean Noël Leroy habitant dud^t lieu tesm[8] à ce requis et appellé les jour mois et an que dessus

[1] Pour « demeurant ».
[2] Pour « labourables ».
[3] Pour « boitelées ».
[4] Pour « mencaudée ».
[5] Pour « présentement ».
[6] Pour « obligation ».
[7] Pour « notaire ».
[8] Pour « témoins ».