2E26-096 Partage heritiers Leroy

Comparurent en leurs personnes Jean, Noel et Jaspard Leroy demt[1] à Clary et Anthoine Casier en qualité et come mary et bail de Margueritte Leroy demt à Maret lesquels comparant de leurs bon gré pure franche et libéralle volonté sans aulcune constraincte induction ny séduction disrent et recognulrent et déclarèrent que par la mort succession et trespas des feus Jaspard Leroy et Jenne Bacquincourt père et mère desd^t du soubnoms Leroy en leur vivant demt aud^t Clary, ils leur seroit escheulx et leur appartient plusieurs parties de terres tant sur le terroir dud^t Clary que de Montigny touchant lesquels affin d’esvitter à touttes procès et inimitiez que poldroit cy après fondre et arriver entre eulx, ils en ont cejourd’huy faict le partaige, vente et eschange entre eulx en la forme et manière qu’il s’ensuilt

C’est assçavoir que lesd^ts Noel et Jaspard Leroy et led^t Anthoine Casiez en sa qualité susd^te ont vendue, ceddé, bailliez et eschangé aud^t Jean Leroy touttes les parties de terres cy après, sicome six pinttes prinses en trois boistellées tenant deux lisières à trois boistellée Michel Guienne, d’aultre aulx terres Jacques Labbé de Caulery et d’un boult à sept mencauldées des chanoines de Wallincourt occuppé par Piere Gabet, item demy mencauldée faisant moitié et à prendre dans une mencd[2] sur le terroir de Montigny tenant aulx terres d’Anchin, d’aultre à une mencauldée Pierre Allare et auls riez dud^tMontegny parmy quoy led^t Jean Leroy a promis et sera tenu payer et satisfaire asçavoir ausd^t Noel et Jaspard Leroy la somme de huict patacons que soit à chacun d’eulx quattre patacons et aud^t Anthoine Casiez le nombre et cantitté de cincq mencaulds d’orge avecq la sixiesme partie d’une mencd de terre appellé la Mencauldée à baudet situé sur le terroir dud^t Clary qu’en contréchange il luy baille, cedde et transporte à prendre et partir allencontre de ses aultres cohéritiers tenant laditte mencauldée à demy mencauldée Jean Millot d’aultre à un fief Jean Poullain et aulx terres Baltazar Montay et Jean Lefébure

A tout quoy lesd^ts comparans ont promis tenir, entretenir, faire valloir, conduire et garandir l’un l’aultre et notament lesd^ts Noel et Jaspard Leroy lesquels ont promis passer les debvoirs de loy de défaisance des part de leurs terres cy dessus mentionné et par eulx ceddé aud^t Jean Leroy à la première réquisition d’icelluy ou ayans causes pardevant lesd^ts prévost et eschevins dud^t Clary et des gens de loy dud^t Montegny par les fois et serment de leurs psonnes[3] soub l’obliga^on[4] de leurs biens pnt[5] et futurs sur XXX pat.[6] de paine à donner etc... renonchant etc... Ainsy faict et passé aud^t Clary pdevant[7] le notte[8] soubsigné et en pnce[9] de Nicolas De Gransart prévot dud^t lieu et (deux mots barrés) (#). Tesm.[10] à ce requis et appellé les jour mois et an que dessus

Jean Leroy
Noël Leroy
Anthoine Casiez
Jaspart Leroy
Boursiez, 1684, greffier, notte

[1] Pour « demeurant ».
[2] Pour « mencaudée ».
[3] Pour « personnes ».
[4] Pour « obligation ».
[5] Pour « présents ».
[6] Pour « pattards ».
[7] Pour « pardevant ».
[8] Pour « notaire ».
[9] Pour « présence ».
[10] Pour « témoins ».