2E26-096 Partage millot/douchez

Comparurent en leurs personnes Jean Millot et Piere Douchez mary et bail de Elizabeth Millot, lesd^ts Millot enffans et hérittiers de feu Michel et Anthonnette Levecq leurs père et mère demt[1] à Clary lesquels de leurs bon grée sans aulcune constraincte ny séduction ou induction et recognulrent que pour esvitter à quelque dificulté que poudroit soudre et arriver entre eulx touchant certain jardin et hérittaige amazé de maison, chambres, estable la moitié d'une grange avecq un chellier voutée de la grandeur pour posser quattre estilles à usaige de meulquinier led^t jardin conten^t[2] une mencauldé de terres à eulx escheulz par la mort sucession et trespas de leursd^ts père et mère tenant d'une lisière au jardin Jean Herbécourt, d'aultre au jardin Toussainct Chartier, d'un bout à une mencauldée de pret de Toussainct Millot et pardevant à la rue Foutbez, lequel jardin et amazem^nt[3] ils en ont cejourdhuy faict le partaige par ensamble comme s'ensuilt, c'est assçavoir qu'après lot jetté entre eulx led^t Jean Millot est tombé et escheulz en la juste moitié dud^t jardin à prendre au loingt du jardin dud^t Jean Herbécourt avecq laditte maison la moitié dud^t chellier et la moitié de laditte grangette avecq la hay faisant desrend contre led^t Herbécourt, à la charge et condition de laisser et livrer passaige aud^t Piere Douchez et ayans causes pour aller et venir sur sa part à pied, à chevalle, bareux ou charette sans aulcun empechem^nt ny contredit,

Et pour la part dud^t Piere Douchez en action de saditte femme est tombé et escheulz à l'aultre juste moitié dud^t jardin à prendre au loingt du jardin dud^t Chartier avecq laditte chambre estable, la moitié de laditte grange et moitié dud^t chellier à condition de retourner pour moins vaille de que sa part aud^t Jean Millot la somme de douze florins dont led^t Millot déclare d'estre bien satisfait pntm^nt de quattre florins et les aultres huict florins à luy payer par led^t Douchez endedans le dernier jour du mois prochain ve^nt de l'an qu'on dira mil six cent quattre vingt sept, bien entendue que la grange dessus mentionné est sur la part dud^t Douchez pourquoy affin qu'il soit recompensé de la distance de la ~~terre~~ moitié de la terre où est assis icelle grange jusque à ce qu'elle y sera érigé et que led^t Jean Millot s'en servira, lequel a promis et sera tenu de livrer mesme instance de terre de sa part de jardin aud^t Douchez pour s'en servir ainsy qu'il trouvera convenir.

Toutte lequel partaige et choses dessus mentionné lesd^tes parties respectivem^nt ont promis tenir, entretenir, faire jouir et garandir l'un l'aultre de chacun sa part à la charge de chacun la juste moitié de renttes Srialles[4], le tout sans jamais aller au contraire par les fois et serm^nt de leurs psonnes[5] soubz l'obligation de tout et chacun leurs biens moeubles et immoeubles pnt et avenir sur XXX pat[6] de paine à donner etc... renonchans etc... Ce fut ainsy faict et passé aud^t Clary pdevant[7] le nottaire soubsigné et en pnce[8] de Jean Douchez, Toussainct Chartier et Michel Guinne tesm[9] à ce envocquée le jour, mois et an que dessus. Tesm

[1] Pour « demeurant ».
[2] Pour « contenant ».
[3] Pour « amazament ».
[4] Pour « seigneuriales ».
[5] Pour « personnes ».
[6] Pour « patards ».
[7] Pour « pardevant ».
[8] Pour « présence ».
[9] Pour « témoins ».