2E26-096 Partage Sauchois/Moustier

Comparurent en leurs psonnes[1] Adrien Sauchois et Nicaise Moustier son frère demeurant à Clary lesquels de leurs bon gré et recognulrent que pour esvitter à touttes querelles, procès ou inimitiez que poldroit cy après fondre et arriver entre eulx touchant cincq boistellées une pinte ou environ de jardinaige situé aud^t Clary à eulx venu sçavoir aud^t Franchois par la mort, succession et trespas de feu Martine Bonneville sa mère et led^t du Moustier d’acqueste qu’il en at faict à Piere Oblin et Anne Sauchois sa femme qu’ils avoient eubz de la mesme succession desquels deux parties de jardin affin que l’un et chacun d’eulx puissent plus comodément jouir et poséder de sa part par indivise, ils en ont cejourd’huy le partaige et divission par ensamble après lot getté en la forme et manière que s’ensuilt

Premier pour la part dud^t Adrien Sauchois lequel est tombé et escheulx à prendre sa part que doibt estre la juste moitié desd^tes cincq boistellées une pinte ou environ de jardin, selon que se comporte et extend, tenant d’une lisière à pareil portion de jardin Anne Bonneville, d’aultre lisière à aultre semblable partie de jardin Michel Boursiez, d’un bout au jardin Maximillien Robace et pardevant à la grande rue des thieullery

Et pour la part dud^t Nicaise Moustier icelluy est tombé et escheulx à l’aultre juste moitié desd^tes cincq boistellées une pintte ou environ de jardin, selon aussy que se peult comporter et extendre du loingt et tenant en lisière à la thieullery de feu Adrien Carron, d’aultre part à aultre portion du mesme jardin de ~~laditte~~ Jenne Faré et pardevant à laditte grande rue des thieullery

Item en oultre que led^t Adrien Sauchois a donné, ceddé, quitté et du tout transporté aud^t du Moustier pour mieux vaille que sa part, une boistellée de terres lables[2] situé sur le terroir dud^t Clary tenant à demy mencauldée dud^t Moustier, d’aultre à une boistellée mesme terres Jean Poullain, d’un aultre sens à une rasière Nicolas du Bois et Anne Assellin et d’aultre à cincq boistellées Jean Losiau

Toutte lequel partaige, ceddition et choses dittes lesd^ts comparans respectivement ont promis tenir, entretenir, faire valloir, conduire et garandir l’une l’aultre de chacun sa part cy dessus à eulx assigné, à la charge des renttes et de débourche anchienne et accoustumé que doibtent ou peult debvoir lesd^tes parties de jardin et boistellées de terres dessus déclaré come aussy à la charge d’une rentte quy est la troixiesme partie de quarrante pat.[3] deubt annuellemnt à Monsieur le pasteur de Ligny tant sur la part dud^t du Moustier que sur aultre partie de jardin apparten^t à laditte Anne Bonneville (des mots barrés) et Jenne Faré, par les fois et serments de leurs psonnes soubz l’obliga^on[4] de leurs biens meubles et immeubles pnt[5] et à venir sur XXX pat. de paine à donner etc... renonchant etc... Faict et passé aud^t Clary pardevant le nott[6] soubsigné et en pnce de Josephe Guinet et Paul Lebet, tesm[7] à ce requis et appellé le jour mois et an cy dessus

[1] Pour « personnes ».
[2] Pour « labourables ».
[3] Pour « pattards ».
[4] Pour « obligation ».
[5] Pour « présents ».
[6] Pour « notaire ».
[7] Pour « témoins ».