Bail à Jean Boursiez par Antoine Morcrette

17 mars 1683

Comparurent personnellement Anthoine Morcrette meulquinier demt[1] à Maretz d'une part, et Jean Boursiez greffier de Clary, y demt d'autre part, et recognulrent sçavoir led^t Morcrette premier comparant d'avoir cejourdhuy rendue, ceddé et bailliez à tiltre de ferme, censse et muaige aud^t Boursiez seconde comparant lequel at emprins et promis tenir aud^t tiltre pour luy, sa femme et ayans causes toutte deux mencaudées de terres lables[2] situé sur le terroir de Montegny tenant d'une part aulx terres occuppé par Anthoine Mairesse, d'aultre aux terres occuppé par Jean Limelette, d'aultre à deux mencaudé Nicolas Dubois et à trois mencaudé des hérittiers Noel Lenglet, et cest pour le temps, terme et espace de neufs ans continuels et ensuivans l'un l'aultre pour y reprendre trois bleds et trois mars pour comencher à entrer en bail et binotter pntem^nt et faire la première despouille à bled à l'aoust mil six cent quattre vingt et quattre, et payer le rendaige au jour de S^t-André ensuivant parmy payant et rendant par led^t preneur aud^t baillieur, sa femme, hoirs et ayans causes deux mencauld bled de chacune mencaudée bon et léalle grains, sain, secq, bien appoincté de van et fléel, livré es pieds desd^ts greniers aud^t Maretz et à la mesure dud^t lieu, dont le premier rendaige en sera deubz et eschera à payer au jour de S^t-André 1684 pour ainsy continuer de payer aud^t jour après chacune despouille quy se fera à bled jusque à l'accomplissement desd^ts neufs ans, sy sera tenue led^t preneur de bien et deubment labourer lesd^tes terres de touttes roy en saison les assemencher de bonne semenche sans les déroyer ny laisser en rietz, et les fumer et marler une fois plainem^nt durant lesd^ts neufs ans, en oultre sera aussy tenu payer aud^t baillieur pour le vin desd^tes terres un patacons sy qu'il at faict come aussy encoire deux aultres patacons à tamoins du premier rendaige qu'il eschera aud^t jour de S^t-André 1684 desquels trois patacons led^t baillieur s'en est tenu pour comptens et bien payez luy en passant par cest quittance obsolut et avecq promesse de tenir compte de sure ____ desd^ts deux patacons aud^t preneur et ayans causes sur led^t premier rendaige. Bien entendu qu'iceluy preneur ne poldra transporter son droict de ferme ny partie en aultruy mains sans la permission et agréa^on dud^t bailleur à paine d'estre privé du^t bail

A toutte lequel bail et choses dessus dittes lesd^ts comparans respectivement ont promis tenir, entretenir et avoir pour agréable, ferme, stable sans y contrevenir par les fois et serment de leurs personnes et de tous leurs biens pnts meubles et immeubles pnts[3] et à venir sur LX sols de paine à donner etc... renonchans etc... Faict et passé à Maretz pardevant moy nott[4] publicq résident à Wallincourt soubsignez en pnce de Anthoine Malésieux et Isay Lenglet tesm[5] à ce requis requis et appellez le dixseptiesme mars 1683, tems

+ marcq Anthoine Morcrette
Boursiez, greffier, 1683
Druon, nott, 1683

(Source: AD59, Tabellion de Cambrai: 2 E 26 / 176, transcription Marc Maillot)