Bail à Pierre Lempereur
5 mars 1642
Comparurent en leurs psonnes[1] messieurs les prévost et eschevins de Clary et avecq eulx Jan Boursier bourgeois demt[2] audit lieu tutteur co~mis par justice au bien et proffict de Pierre Caré enffant mineur de Jan et de feu Michelle Lenglet vivans dems[3] audit lieu d'une part et Pierre Lempreur meulquinier demt audit Clary aussy tutteur dudit Pierre Caré d'aultre part et recognurent savoir est lesdicts deux comparans avoir baillé, octroié et accordé à tiltre de censse audit Pierre Lempreur quy recognult avoir prins et promis tenir desdits bailleurs audt tiltre le nombre de trois mencaudées et demye de terres labourables séantes sur le terroir de Montignyes audit Pierre Carré appartenans tenantes à quattre mencaudées des hoirs monsieur Foullon, à trois mencaudées et demy de Benoist le Duc ainsy qu'elles se comportent et extendent pour par ledit preneur sa femme ses hoirs aiens cause en jouir le temps terme et espace de trois ans seullement enssuivant l'un l'aultre et pour commencher à binotter prestement et pour estre despouillées à bled à l'aoust 1642, et estre despouillées à mars à l'aoust 1643
Parmy et moiennant cy ledt
preneur a promis et sera tenu en rendre ausdts Srs
bailleurs ou tutteur an nom dudit Pierre Carré le nombre et quantité de six
mencaulx de bled au jour endedans le jour de St-André mil six cents
quarente deux icelluy bled bon grain secq et leal bien appointé de flaiel et de
van et à la mesure dudit Clary, et ne poura ledt preneur remestre
lesdtes terres en autruy main sans le gré et consentement desdts
bailleurs à péril de privaõn[4]
du pnt[5]
bail. Tout lequel baille et choses dictes les parties respectivement ont promis
tenir et entretenir de point et par la manière dicte par les foy et serment de
leurs corps soubz l'obligaõn etc... et sur LX st[6]
de paine à donner etc... renonchans etc.... Ce fut faict et passé audit Clary
pardevant moy nott.[7]
aplicq soubz signée et en pnce[8]
de Jan de Bonneville et Daniel Ramette tesm[9]
à ce requis et appellez le cincquiesme jour du mois de mars an mil six cents
quarente et deux
Anat Millot, pruvot
Benoist Le Ducq
Adrien Bonneville
Jean Bricoult
Abraham Millot
Pierre Lenpreur
Est écrit au dos
Bail à censse de
trois mencaudées et demye et apparten. à Pierre Carré enffant de feu Jan
occuppée par Pierre Lempreur, 1642
[1]
Pour « personnes »
[2]
Pour « demeurant »
[3]
Pour « demeurans »
[4]
Pour « privation »
[5]
Pour « présent »
[6]
Pour « sols tournois »
[7]
Pour « notaire »
[8]
Pour « présence »
[9]
Pour « témoins ».
(Source: AD59, Tabellion de Cambrai, 2 E 26 / 541, transcription Marc Maillot)