Contrat de mariage entre Paul Lamouret et Françoise Taquet

14 octobre 1692

Cejourdhuy quattoreiesme jour du mois d'octobre an mil six cent nonante deux fut traicté le mariaige d'entre Paul Lamouret jeusne fils et Franchoise Tacquet jeusne fille, led^t Paul acompagné de Jacque Lamouret son père, André Lamouret son frère, Phles[1] Torrion et Jean Hégot ses beau-frères alliez demts[2] respectivem^nt à Caulery et Ligny d'une part, et laditte Franchoise Tacquet acompagné de Henry Tacquet son frère, de Phles Henninot son beau-frère alliez, de Noel Du Bois son oncle et de Martin Tacquet ausy son oncle demts respectivem^nt aud^t Ligny et en la ville de S^t Quentin d'aultre part, auquel sy à Dieu plaict et que nostre mère la S^te Eglise y consente en icelle se solempnisera et en cas que ce pnt[3] mariaige seroit acomply les devisses promesses et conditions s'ensuilt

Et premier

Pour ce quy est du bien et poretement de mariaige dud^t  Paul Lamouret, led^t Jacque son père a promis de luy donner en advanchem^nt de sondit mariaige la somme de deux cent florins monnoy de Flandre à luy délivrer sitost ce pnt mariaige acomply

Sy à promis de labourer ou faire labourer à ses despens pour et au proffict dud^t Paul Lamouret son fils deux mencaudée de terres qu'il occuppe de l'Eglise dud^t Ligny lesquels ils les at cejourdhuy rétrocédé à sond^t fils pour par luy en jouir le terme de noeufs ans quy font pour y reprendre trois bleds et trois mars, lesquels labours se debvront faire pendant led^t terme de noeufs ans tant à saison qu'à mars bien et deubment et avecq ce ausy luy ramener et charier les despouilles desd^tes terres durant led^t terme aud^t Ligny en la résidence d'iceulx futurs marians, et come lesd^tes terres sont pntem^nt remis sus à bled, la despouille s'en debvra faire quy sera la première à l'aoust prochain venant de l'an qu'on dira 1693, à la charge des rendaiges que lesd^ts futurs marians seront obligez payer vers lad^te Eglise

Plus il donne encoire aud^t Paul son fils deux estilles à usaige de meulquinier avecq deux estains de fillée aud^t usaige et les ustansils servant ausd^ts estilles

Item luy donne encoire sept mencaud de bled en nature, et avecq ce ausy de luy livrer et furnir une voiture de jarbes de bled de cincq dizeaulx à l'aoust de l'an 1694 et luy ramener et charier aud^t Ligny, et encoire une aultre voiture de quattre dizeaulx de jarbes de bled à l'aoust ensuivant de l'an 1695

Sy at en oultre promis de charier ou faire charier à ses despens pour lesd^ts futurs marians trois voitures de bois sçavoir la première sitost ce pnt mariaige acomply, la seconde en l'an prochain venant et la troixiesme en l'année suivant 1694, de plus led^t Jacque Lamouret s'est obligez de décharger sond^t fils de toutte (#)

Et quant à ce quy est du bien et portement de mariaige de lad^te Franchoise Tacquet elle at à elle appartenant de donation faicte à son proffict par ses feu père et mère, une maison chambre estable grange chellier et la juste moitié d'un jardin et héritaige pris allencontre dud^t Phles Henninot à cause de sad^te feme quy ont l'aultre moitié dud^t jardin, et y tenant d'une lisière, d'aultre lisière au jardin Jean Canonne, d'un bout au pret du S^r[4] et pardevant à la rue menant dud^t Ligny au mollin dud^t lieu, de laquelle moitié de jardin avecq tous les amazem^nt cy dessus enthièrem^nt déclaré laditte Franchoise Tacquet en at faict et assigné douaig douaire conventionné aud^t Paul Lamouret son futur mary pour par luy sitost ce pnt mariaige acomply à hoirs et sans hoirs en jouir sa vie durant seullem^nt en observant les conditions de la coustume de Cambrésis, à conditions d'en faire et passer les debvoirs de loy avant les espouzailles

Sy elle at encoire à elle appartenant et qu'elle porte aud^t mariaige une rasière de terres lables[5] mainferme séant audt Ligny, vennt de mesmle donaon à elle faict par sesdts père et mère  tenant laditte rasière à pareil rasière dudt Phles Henninot, d'aultre à la piésente menant de la ruelle dit Médart allant au mollin et au Chemin du Prince

Item qu'elle at encoire aud touttes et quelconcqs les moeubles quy sont pntemnt en sa maison et héritaige cy dessus déclaré, saulfs et réservé plusieurs piesches desdts moeubles quy appartient aud^t Henry Tacquet son frère sans en faire icy aulcune déclara^on

Item que led^t Henry Tacquet a promis et s'est obligez de payer et decharger de touttes et quelconcqs les debtes qu'ils doibvent aud^t sad^te soeure tant par eulx faict ensamble que par leurs feu père et mère sy aulcune sont deubz vers quy lad^te Franchoise Tacquet sad^te soeure n'en soit jamais recherché ny inquiété

Item qu'il at esté devissé et acordé entre lesd^tes parties que le dernier vivant desd^ts futurs marians à hoirs et sans hoirs demourera en tous les biens moeubles et actions mobiliaires trouvés en leur comulnauté aulx charges des debtes, obsecq et funéraille

A touttes lesquels devisses et promesses cy dessus lesd^tes parties ont promis tenir et entretenir sans y contrevenir. Ce fut ainsy faicte et passé aud^t Ligny soubz la signattures des parties et en pnce de Jean Boursiez et des parens et amis icy dénommé au préambul de cest, tesm[6] à ce appellée le jour, mois et an que dessus

Paulle Lamouret
+ marcq de Jacque Lamouret
+ marcq Franchoise Tacquet
+ marcq Phles Torrion
(Illisible)
Henri Tacquet
+ marcq Noel Du Bois
Pllipe Hennino
Martin Tacquet
Boursiez, 1692, greffier, notte

Mention marginale
(#) debte tant celle d'à pnt que celle à l'advenir sy aulcune en sont deubz faict par led^t jusque à ce jour et celle qu'elle se feront à l'advenir come dessus par led^t Jacque tellem^nt que led^t Paul n'en soit jamais recherché ny inquiété

Ecrit au dos
Mariaige de Paul Lamouret et Franchoise Tacquet à Ligny, 1692

(Source: AD59, Tabellion de Cambrai: 2 E 26 / 96, transcription Marc Maillot)

dernière mise à jour de cette page : 01 déc. 2007