Contrat de mariage entre Urbain Blot et Madeleine Guienne
8 novembre 1676
Les devises donne et encomanche de mariaige encoma~ché et que de bref se parferas et sollempniseras en nostre merre sainct Eglise d'entre Hurbain Blot, filz de deffunct Jean Blot et de Jaenne Ramette (#) et vefve demourez en biens et debt de feu Mary Taine asservy de trois enfans qu'il at eubz de ladit feu Mary Taine savoir Jean, Mary et Jaenne Blot et assistez de Pasquier Taine, grand-père ausdit enfans et Urbain de Limal son demy-frère d'une part, et de Magdelaine de Guienne fille de deffunct Jean et Laurenche du Boy quy fut ses perre et merre et assisté du nottaire soubsigné son parin d'autre part et sont telle qu'il s'ensuilt
Et quant aux faict des bien trouvez ausdits les party s'en tient pour apaissé
Ittem at promis ladit Magdelaine de Guienne faire formotur ausdit trois enfans savoir Jean, Mary et Jaenne Blot de la so~me de trent florins carolus monnoy de France vingt pattars pour chacun qui port à chacun enfans dix florin et sy par adventur il advenoit que l'un d'iceux enfans venoit à morir sans laisser hoirs legistime les survivans seront et demouront héritier de la mittant[1] de la part du premier déchedant paiable quant lesdit enfans prendront esta honorable de mariaige ou de religion ou quant il auront atainct leur eaige de majorité
Ittem ont faict à ces fins pu~r telle forme, manier, devise, promesse et condition que le survivans desdit deux marians debvra demourer en tout bien moeuble aussy bien sans hoirs que avecq hoirs en paiant les dept s'il y en at et avecq ce serviche, obsecq et funérailles
Touttes lesquel contract de mariaige dessus dit les susdit party tant d'un costez que d'autre savoir ledit Urbain Blot sa famme se portant fort pour sa party et assistez co~me dessus de ladit Magdelaine de Guienne se faisant et portant fort pour sa party lesdit party respectivement ont promis tenir, furnir et acomplir de point en point et en la manier dit et de par la foy et serment de leurs propre corps pour ce ____ es mains de moy nottair soubsignant sur CX sols de paine à donner etc... obligeant etc... reno~chant etc... Faict et passé à Clary pardevant le not. soubsigné en présens des dessus nomez, assistans tous parens et amis tesmoing à ce requis et apellez le huictiesme jour du mois de neve~bre l'an de grase de nostre seigneur an mil six cens septant six
+ marcq dudit Urbain Blot ne
sachant escrire
+ marcq de ladit Magdelaine de Guienne ne sachant escrire
Jérard, not
Mention marginale
(#) ses pèrre et
merre
Ecrit au dos
Mariaige de
Urbain Blot et Magdelaine de Guienne Walincour et Fontaine au Pirre 1676
[1] La moitié
(Source: AD59, Tabellion de Cambrai, 2 E 26 / 178, transcription Marc Maillot)